DAVAO CITY – Gi-angkon sa mga opisyal sa Barangay 23-C Isla Verde ning siyudad nga nalisdan sila sa pagkumbinsi sa mga residente nga mobalhin na lamang sa relocation site alang sa ilang kaluwasan.
Tipik lamang kini human nga nag-abot na ang mga apektadong pamilya sa mga evacuation center nga susamang naapektohan sa kusog nga sunog sa milabay nga semana ingon man kadtong mga pamilya nga nauna ng mibakwit human nga nangabungkag ang ilang mga panimalay tungod sa balod nga hatud sa hanging habagat.
Sumala pa kang Brgy. 23-C Capt. Wating Usman, ila ng gihangyo ang mga residente nga ikonsidera ang tanyag sa lokal nga panggamhanan nga mobalhin sa relocation site apan daghanan pa gihapon sa mga residente ang buot pa gihapon nga itukod pagbalik ang ilang mga panimalay kini tungod anaa sumala pa sa nahisgutan nga dapit ang ilang panginabuhian.
