DAVAO CITY -Balik na sab sa pagtukod og tent ang mga residente sa Quirino Padada Davao del Sur dihang nasamutan pa ang ilang mga panimalay og kadaut human ang bag-ohay lamang nga pag-igo sa magnitude 6.9 nga linog.
Kahinumduman nga nag-iyahay og tukod sa ilang temporaryong kapuy-anan gawas sa ilang mga panimalay ingon man sa open ground ang mga residente diin pipila kanila ang totally damaged ang pinuy-anan ug dili na mapuslan.
Mapasalamaton ang mga nahisgutan sa temporary shelter sa Department of Social Welfare and Development Office (DSWD) gumikan kay komportable sila sa ilang temporaryong kapuy-an ilabi na karon nga nasinatian sab ang mga pag-ulan.
Una ng gibutyag ni Mayor Pedro Caminero sa Padada Davao del Sur nga una na matud pa sila nga nagdeklara og state of calamity kaniadtong bulan sa Oktubre hinungdan nga dugang suliran na sab sa ilang lalawigan ang bag-ohay pa lamang nga linog nga mihatud og casualty ug kadaut sa propedad.
Gitataw sab sa opisyal nga kadaghanan pa gihapon sa mga residente ang mahadlok nga mobalik sa ilang pinuy-anan gumikan sa nagpadayon nga mga aftershocks.
