Mga Pinoy sa Qatar, gipahimangnuhan sa embahada sa Pilipinas, nga padayong mag-igmat

Gipahimangnoan sa Embahada sa Pilipinas sa Qatar ang mga Pilipino nga nagpuyo didto nga mangita og luwas nga dapit ug magpabilin sa luwas nga lugar.

Kini tungod sa airstrike nga gihimo sa Iran batok sa US airbase nga nahimutang sa Qatar.

Base sa pahimangno sa embahada, gikinahanglan nga mobalhin una sa luwas nga lugar ang mga Pilipino aron dili sila malakip sa maong insidente.

Gikinahanglan usab nga mutamod sila sa mga pahimangno sa lokal nga mga otoridad ingon man sa embahada.

Una na nga gisuspinde sa gobyerno sa Qatar ang air traffic human nag pahibalo ang Iran nga ila kining tirahon og missile ang US airbase sa Qatar.