Nanawagan ang Department of Health (DOH) sa katawhang Filipino nga gikinahanglang masayod sa cardiopulmonary resuscitation (CPR) aron mahimong first responder sa panahon sa emergency gumikan kay importante ang matag segundo.
Gipahayag ni DOH spokesperson Albert Domingo, ang CPR mao ang tulay tali sa kinabuhi ug pagkawala niini panahon sa cardiact arrest gumikan kay ang pagpatuman niini ang mahimong hinungdan sa subling pagpitik sa kasing-kasing.
Dugang gipahayag sa opisyal, sa mga high income nga nasud, ang ilahang CPR training rate ang mo-abot kini sa 50% ubos pa gihapon kung hunahuna-on apan sa ubang nasud lakip na ang Pilipinas, mas ubos kini gumikan kay duha lang sa napulo ka tawo o 23% lamang.
Gipahayag pa sa DOH Spokesperson, apektado ang cerebral perfusion o ang paghatod ug dugo sa utok sa higayong mohunong na sa pagpitik ang kasing-kasing nga mupadulong sa pagkadaot sa utok.
Samtang gipahayag ni Philippine Red Cross (PRC) Secretary General Gwendolyn Pang nga anaa sa 70,000 sa 119 milyong Pilipino ang nakasinatiug cardiac arrest ug 1% lamang niini ang nahatagan ug CPR.
Samtang gipahayag usab ni Philippine Heart Association PHA) president Rodney Jimenez nga gisuportahan nila ang DOH ug PRC sa pagpatuman sa life-saving skills ug CPR training.
Gipahayag pa niini ang PHA ang adunay CPR ready advocacy sukad pa niadtong 2015 ug CPR Wings and Wheels kung diin ang mga kamot lamang sa CPR ug automated external defibrillator (AED) skills ang ginatudlo.
Ang sayo nga pagpatuman sa CPR ang nakapataas sa survival rate gikan sa 31% hangtod 62% sa mga out-of-the-hospital setting cardiac arrest cases sa Southeast Asia.
Samtang gipahayag usab sa regional faculty sa American Heart Association nga matag filipino ang mamahimong makabalo sa CPR pinaagi sa establishment training kiosks sa estratehikong lugar susama sa mga tulunghaan ug sa lokal nga kagamhanan.
Ang DOH mitanyag ug basic life support didactic e-course nga mamahimong ma-access ni bisan kinsa nga adunay internet connection.
