DAVAO CITY – Nakahatag ug kapin 75 mil ka mga food packs ang local nga panggamhanan sa Davao City sa mga pinakalagyong dapit sa dakbayan.
Sumala sa City Social Welfare and Development Office (CSWDO), moabot na sa kinatibuk-ang 75,345 ka mga CSWDO nga paghatud ug mga food packs ngadto sa mga Indigenous Peoples communities sa Baguio District, Marilog District, ug sa Paquibato District.
Gikanayon ni Julie Dayaday, Supervising Administrative Officer IV sa CSWDO, gi-una nila sa pag-adto niadtong milabay nga semana ang mga lagyo ug liusd nga mga dapit sama sa Gumitan sa Marilog District, Colosas sa Paquibato District, Kinse-kinse sa Salapawan sa Baguio District, Tambobong ug Tawan-tawan.
Sa kinatibuk-an nakahimo na ang CSWDO sa pag-hatag sa 7,018 beneficiaries ug mga food pasks. Dugang pa ni Dayaday nga target nila ang 30,983 ka mga beneficiaries, ug 154,915 grocery packs nga ipanghatag.
Ang usa ka food packs, gilangkuban sa 3 ka kilo sa bugas, spaghetti pasta, spaghetti sauce, ug canned goods. Matag pamilya hatagan ug 5 ka food packs o katugbang sa 15 kilos sa bugas ug mga groceries.
Gisugdan sa CSWDO ang paghatud sa mga pinaskuhan niadtong November 28 ug tumong niini nga makompleto ang distribution sa December 20.
