DAVAO CITY – Malisdan sumala pa ang mga peneriso nga maka-access ug kapital sa ilang pundo aron nga masuportahan ang ilang mga gagmay nga negosyo ug panginabuhian sulod sa jail facility sa Davao region.
Sumala pa kang Bureau of Jail Management and Penology (BJMP)-Davao Jail Inspector Helen Rose Saragena, nga matag peneriso gahinan lamang P70 matag adlaw.
Gawas sa trainings gikan sa Technical Education and Skills Development Authority (Tesda) ug Department of Trade and Industry (DTI), adunay mga pribadong grupo ug enterprises ang nagapahigayon ug outreach programs aron nga tabangan ang mga peneriso nga makasugod sa ilang negosyo.
Gikanayong 80 porsyento sa kinatibuk-ang populasyon o kapin 5,000 inmates sa BJMP sa Davao region ang misulod sa livelihood activities, diin 20 porsyento niini mga babaye nga peneriso nga nagapahigayon ug bag-making, bayong-making, painting, ug daghanan pa.
Karong Agosto 2 hangtud 4 dungan sa ilang ipahigayon nga anibersaryo, ipakita sa BJMP-Davao ang mga livelihood products sa mga peneriso gikan sa 11 ka mga presohan sa rehiyon diin himuon kini sa usa ka mall sa ecoland ning siyudad.
Gitataw sab ni Saragena ang kamahinungdanon sa livelihood activities alang sa mga inmates kini aron masuportahan ang ilang pamilya nga anaa sa gawas ilabi na kung ang inmate usa ka breadwinner.
Usa sab sa ilang suliran mao ang market access sa mga inmates ilabi na nga magsalig lamang sila sa mga jail visitors, dignitaries, ug mga pribadong indibidwal nga maoy mopalit sa ilang nga produkto.
Gisulayan na matud pa nila ang online selling apan wala kini nagmalampuson.
Laraw nila karon nga maila una sa publiko ang mga produkto nga gihimo sa mga inmates ayha nila kini ibaligya.
