DAVAO CITY – Miabot na sa 888 ang mga natalang kaso sa makakuyaw nga hand, foot, and mouth disease dinhi sa Davao region as of January 28.
Sumala pa sa DOH Davao, pinakadaghan ang natala sa Davao de Oro nga dunay 247 ka mga kaso; sunod ang Davao del Norte nga anaa sa 217; Davao City nga naa sa 204; Davao Occidental sa 154; samtang 12 sa Davao de Oro, ug 54 sa Davao Oriental.
Namatikdan sa ahensya ang pagsaka sa mga kaso sa maong sakit gikan sa natalang 502 ka kaso niadtong ulahing simana sa Enero, ning tuiga.
Posible ang sagad nga pagsaka sa mga nataptan sa HFM disease gumikan sa pag-abli sa mga tulunghaan ug mga pampublikong suruyanan diin nahitabo ang mga pagtinakdanay.
Apang gipunting hinuon ni DOH-Davao assistant regional director Dr. Gerna Manatad nga dili ikaalarma ang pagkuyanap sa HFM disease gumikan sa hinay nga pagpanakod niini.
Samtang, sa susamang datos sab nasuta nga kasagaran sa mga nangataptan niini, mga batang nag-idad og 9 anyos paubos.
via || Bombo LJF
