DAVAO CITY – Mukabat sa 163 ang nangamatay gumikan sa HIV/AIDS sa Davao region, lakip kini sa kinatibuk-ang 5,548 ang kadaghanon nga nangamatay gumikan sa nasangpit nga sakit as of March 2022 sa tibuok nasod.
Sumala kang Hermie Escalante – Chairperson, Alliance Against AIDS, sagad sa hinungdan ngano namatay ang usa ka tawo gumikan sa sakit, tungod kini sa stigma ug discrimination, diin adunay mga tawo ang maulaw mu-access sa tambal, counciling, mu-access sa pasilidad.
Labaw sa tanan sumala pa ang sagad nga rason sa mga survivor sa HIV/AIDS , ang mo-open up sa ilang pamilya ug higala nga sila adunay HIV/AIDS, gumikan sa stigma o discrimination nga epekto tungod sa nasangpit nga sakit.
Dugang pa ni Escalante, nga saagad ginabalakan sa usa ka tawo nga adunay HIV/AIDS, basin palayos kini sa iyang pamilya o sa boarding house kon asa kini nanimuyo; dili patrabahoan; atimanon sa pamilya; ilabina na kuno kung aduna kita karelasyon; ug ilabi na kon aduna kini ginaproteksyonan nga ngalan sa katilingban.
Uban pa niini, gipasabot usab sa opisyal, nga tungod sa epekto sa virus sa lawas, munaog ang immune system hinungdan nga possibleng makuha sa usa ka indibidwal ang klase-klaseng sakit sama na lang sa Pneumonia nga possibleng makamatay sab.
Gi-awhag sab ni Escalante nga adunay “Dayaw Community Center”, nga abli ug gituyo alang sa mga kaigsoonan sama na lang sa LGBTQ, plus community, ug uban pang katawhan nga dili apil sa LGBTQ nga abri ilang center aron mualagad ug muatiman kanila.
Gikanayon ni Escalante, nagapahigayon sila og community-based screening for HIV, diin abtik sila mu-cater, mupasabot kon unsay mahimong proseso ug aron madala nila kini sa Reproductive health center, diin adunay libreng laboratory testing, Xray , ug uban pang eksaminasyon aron kini matambalan.
