Padayon karong nanawagan og dugang tabang ang mga nagpuyo sa gibana-banaang 70 ka mga panimalay nga naapektohan sa natigayong sunog sa Magallanes Riverside, Brgy. 2-A, ning dakbayan, kagabii.
Gikabutyag nga walay nasalbar nga gamit ang mga residente sa maong lugar gumikan sa kapaspas sa maong insidente.
Gama matud pa sa light materials ang mga panimalay sa nahisgutang lugar rason nga nakatampo usab ang makusog nga hangin rason ss paspas kining pagkuyanap.
Wala nay nasalbar pa nga gamit ang mga residente hilabi pa nga sagad kanila ang padulong na matulog niadtong orasa.
Napugwat na lamang matud pa sila human nadunggan ang singgit sa silingan nga adunay nisilaob nga sunog.
Usa usab sa nakatampo sa kalisod sa mga kabomberohan mao ang kaguot sa lugar rason na naabot pa kini og 3rd alarm.
Nilungtad og pipila ka oras ang maong sunog ug nadeklara lamang fire out bandang ala una sa kadlawn.
Hinoon, aduna nay mga pagkaon nga nadawatan ang mga biktima apan nanawagan gihapon kini og dugang tabang hilabi pa sa hingutanang gamit ug sinina aron nga ilang magamit.
Sa karon, nahimutang ang mga biktima sa Magallanes Elementary School. Padayong pang ginausta sa BFP ang hinungdan ug kinatibuk-ang damyos sa maong insidente
