DAVAO CITY – Naduso na sa Davao City Police Office (DCPO) ang 267 ka kaso batok sa mga tawo nga nakahimo ug kalapasan dungan sa gipatuman nga community quarantine guidelines sukad Marso 20, 2020.
Sumala pa kang DCPO Director Col. Kirby John Kraft, sukad Marso 20, 2020, nanguna ang DCPO sa nagpatuman sa Enhanced Community Quarantine (ECQ) diin nakatala sila ug kinatibuk-ang 340.
Sa nahisgutan nga ihap, 247 ka mga violators ang nasikop human nga nakalapas sa curfew hour; 40 sa liquor ban; ug 60 ang nakalapas sa physical distancing ug mass gathering.
Kinatibuk-ang 340 apprehensions, 267 ang naduso nga kaso sa korte.
Gumikan sumala pa sa nagpadayon nga violations sa ECQ, gi-awhag ni Davao City Mayor Inday Sara Duterte ang mga dabawenyos nga i-report ang mga violators sa Covid-19 Operations Center ug uban pang law enforcement agencies.
Una na sab nga nanganti ang Mayor sa mga malapason sa balaod nga dili sulayan ang mga otoridad nga igo lamang nagpatuman kung unsa ang angayan nga himuon sa mga tawo.
