DAVAO CITY – Nanumpa na ang mga nakadaug nga mga kandidato sa probensiya sa Davao Occidental sa pagpanguna nila Vice governor-elect ug incumbent Congresswoman Lorna Bautista-Bandigan.
Ang nahisgutang oath taking ceremony ang gisaksihan mismo ni incoming Vice president Inday Sara Duterte nga nagsulbi isip guest speaker ug gipahigayon sa New Malita gymnasium sa Malita, Davao Occidental.
Lakip usab sa mga nanumpa si Davao Occidental Governor ug Congressman-elect Claude P. Bautista diin si Justice Loida Kahulugan ang nag-officiate sa seremonya uban usab sa mga bag-ong napili nga mga opisyal sa lima ka mga munisipalidad sa Probensiya sa Davao Occidental.
Sa iyang mensahe, dako ang pasalamat ni Inday Sara kang Governor Bautista gumikan sa dkaong papel niini isip campaign manager sa iyang pagpangampanya.
Samtang gibutyag usab sa incoming president nga usa sa nag-una niya nga prayuridad sa higayon nga pormal nang molingkod isip kalihim sa department of education sa Marcos administration ang de kalidad nga edukasyon ug ang pagtabang sa mga teaching ug non teaching personnel sa DepEd.
Diin nahisgutan sa incoming VP ang nag-una nga problema sa mga magtutudlo nga mao ang pagka-putos niini ug daghang mga utang o salary loan nga mao usay hinungdan nga dili na maka-focus ang mga nahisgutan sa pag-tudlo sa ilang mga tinun-an.
