Laraw karon sa Philippine National Police (PNP) nga abrihan sa Criminal Investigation and Detection Group (CIDG) ang imbistigasyon sa pipila ka mga opisyal nga napatay sa war on drugs ni kanhi Pang. Rodrigo Duterte.
Kini nunot sa gibutyag ni kanhi Philippine Charity Sweepstakes Office (PCSO) chief Royina Garma ngadto sa Quad Committee sa KAMARA nga usa ka aktibong pulis ang nalambigit sa pagpatay kang Tanauan City Mayor Antonio Halili. Kahinumduman nga gipusil Mayor Halili sa usa ka sniper niadtong Hulyo 2018 atol sa flag raising ceremony.
Matud pa ni Garma nga usa ka “Albotra” ang mitug-an kaniya ug gani gipanghambog pa niini ang pagpusil patay sa Mayor.
Sumala pa ni PNP Spokesperson PBGen Jean Fajardo nga usa lamang ang kaso ni Halili nga paga-abrihan gawas sa daghang kaso sa mga opisyal sa gobyerno nga nalambigit sa war on drugs nga napatay sa kanhing administrasyon.
