DAVAO CITY – Magpahigayon ug panagpulong ang mga opisyales sa Metropolitan Davao Development Authority kon MDDA uban ang Metro Manila Development Authority kon MMDA alang sa pagahimoong bench marking sa musunod nga bulan.
Kabahin kini sa pagpatuman sa naaprubang Republic Act 11708 kon ang pag-establisar sa MDDA.
Sumala ni DILG 11 Regional Director Alex Roldan, tumong sa maong lakang nga susihon ang pagpagtuman sa MMDA sa mga ordinansa sa mga lungsod sa Metro Manila kon National Capital Region aron magamit sab kini sa mga lungsod nga malukop sa pagpangatundanan sa MDDA.
Usa sa lantawon sa DILG mao ang pag-synchronize sa mga ordinansa sa nagkalain-laing LGUs ilawom sa MDDA sama na lamang sa regulasyon sa trapiko.
Dugang pa sa opisyal, himoan usab og pamaagi sa MDDA kung unsaon pagpatuman sa mga lungsod nga ginsakupan niini ang mga regulasyon sa MMDA.
Kung ugaling aduna may kalisdanan, andam usab ang MDDA nga maghatag ug kausaban alang niini.
Malaumon sab si Roldan nga mahimong hapsay ang pagpatuman sa mga regulasyon sa higayon nga hingpit na nga mahimong operational ang MDDA.
via || Bombo BCA & Bombo LJF
