DAVAO CITY – Nag-atubang na ug kaso sa hukmanan ang mga tawo nga nahatagan ug citation gumikan saw ala pagsul-ob ug facemask human napakyas sa pagbayad sa gitakda nga multa ilalom sa Davao City Ordinance No. 0307-20 o ang Face Mask Ordinance.
Gikanayon ni Davao City Police Office Director Police Colonel Alberto Lupaz nga moabot sa 2,414 ka mga inbididuwal nga na-isyuhan ug citation ticket ang wala makabayad sa ilang multa ngadto sa City Treasurer’s Office ug silang tanan ang mga first-offense violators.
Dugang pa ni Lupaz, kalakip ang nahisgutang ihap sa 10,147 ka mga indibiduwal nga nahatagan ug citation tickets sukad sa pagsugod sa pagpatuman sa Face Mask Ordinance gikan January 1, 2022, hangtud April 23, 2022.
Sa 10,147, bugtong 2,861 lamang ang nakabayad ug multa ug penalties.
Gikanayon pa ni Lupaz nga gipasaka nila ang 2,414 ka kaso pipnaagi sa regular filing.
Gihatagan sumala pa ang mga nahnisgutn ug 3 hangtud 5 ka adlaw aron bayaran ang multa, diin ang prescriptive period sa kalapasan ang sulod sa2 ka bulan hinugndan nga i-file nila ang kaso sulod sa 15 hangtud 1 ka bulan human ang violator napakyas sa pagbayad sulod sa 5 ka adlaw.
Ilalom sa ordinansa, ang mga madakpan nga wala nagsul-oib ug facemask ang makamulta ug Php500 alang sa first offense; Php2,000 sa second offense; ug Php5,000 o 1 ka bulan nga pagka-priso alang sa third offense.
Sa karon, moabot pa sa 7,286 ang wala makabayad sa ilang multa.
Atol sa ilang meeting tali sa COVID-19 Task Force nag-una nilang gihisutan ang pamaagi pa-unsa mamonitor ug mapugos ang mga tawo nga mobayad sa ilang obligasyon.
Gipahinumduman usab niini ang katawhan nga mamahimo lamang nga hubuon ang facemask kung mokaon o kaha mo-inum.
