DAVAO CITY – Subli nga gipahimangnoan sa lokal nga panggamhanan ang mga na-stranded nga nakabalik na karon sa dakbayan nga kung makauli kini sa ilang panimalay, kinahanglan motuman kini sa 14 day home quarantine.
Kinahanglan sab nga ang tanan nga mga household members molikay una ug istrikto nga motamud sa social distancing.
Kahinumduman nga miabot na sa siyudad kagahapong adlawa ang pipila ka mga dabawenyo nga na-stranded sa Manila sa milabay nga mga semana kini pinaagi sa gipadala nga sweeper flights.
Ang mga nahisgutan maoy unang batch sa 120 Dabawenyos nga miuli gikan sa Clark airport.
Samtang lain batch sa mga Dabawenyos ang mouli usab sa adlaw nga Miyerkules nga gikan sa Manila airport.
Gikanayon ang pag-uli sa mga residente ang hugtanon nga i-assess sa lokal nga panggamhanan kini pinaagi sa Davao City Stranded Persons Database Center (DCSPDC) ug base sa protocols set.
Pipila sa mga pasahero ang ipadala sa hospital ug quarantine facilities samtang pipila s amga nahisgutan ang nakadepende sa ipagula nga resulta sa health screening dungan sa ilang pag-abot sa Davao City International Airport.
Gimandoan sab ni Mayor Inday Sara Duterte Carpio ang mga nahisgutan nga moadto sa ilang District Health Center o Barangay Health Centers alang sa screening sa ika-pito nga adlaw ug ika-14 ka adlaw sukad nga sila miabot sa dakbayan.
