DAVAO CITY – Nanawagan karon si Task Force Davao Commander Consolito Yecla ngadto sa mga motorista nga mas maayong i-andam na daan ang mga gikinahanglan nga mga dokumento sa higayon nga molatas sa checkpoint aron nga dili malangan sa ilang biyahe.
Kahinumduman nga hangtud sa Panabo City ang traffic sa mga sakyanan nga mosulod dinhi sa siyudad human nga mas gipahugtan karon ang pagrikisa sa mga dokumento dungan sa hugtanon nga pagpatuman usab sa Executive order (EO) 63 o pagpailalom sa siyudad isip restrictions.
Una ng nasayran nga kapin 80 ka mga motorista ang wala gipasulod sa dakbayan atol sa ikaduhang pagpatuman sa EO 63 gumikan kay kulang sa mga gikinahanglan nga dokumento.
Hinuon gibutyag ni Col. Yecla nga paspas na karon ang gipahigayon nga pag-inspeksyon human nga gidungagan na nila ang ilang mga personahe sa checkpoint nga motabang pagsubay sa mga dokumento nga dala sa mga motorista nga mosulod dinhi sa dakbayan.
Pahayag ni Task Force Davao Commander Consolito Yecla.
