DAVAO CITY – Hingpit na sab nga nanumpa ang mga opisyal sa lokal nga kagamhanan nga midaug sa milabay nga eleksiyon.
Gipangunahan kini nila ni Incumbent Davao City Vice Mayor Sebastian “Baste” Duterte nga gideklara isip bag-ong Mayor sa siyudad ug ikatulong miyembro sa iyang pamilya nga mihupot sa posisyon sukad 1988.
Muhulip kini sa iyang igsuon nga si outgoing Mayor Sara Duterte, kini nanguna sa Vice presidential race.
Ang iyang amahan nga si outgoing President Rodrigo Duterte ang nanerbisyo usab isip mayor sa milabay nga 22 ka tuig.
Samtang ang igsuon ni Baste nga si Paolo “Pulong” Duterte, ang na re-elect usab sa iyang ikaduhang termino isip 1st District representative sa siyudad.
Naproklama na sab si lone vice mayoral candidate Atty. Melchor Quitain ingon man ang duruha ka Duterte allies nga sila si 2nd District Rep. Vincent Garcia ug 3rd District Rep. Isidro Ungab.
Samtang sa mga konsehal nga midaug, sa 1st District giproklama sila si Kap Ibuyan, Luna Acosta, Tek Ocampo, Bernie Al-ag, ug Nilo Abellera Jr. samtang ang gikan sa HTL ang gilangkuban nila ni Bonz Militar ug Pilar Braga. Si Jessica Bonguyan ang bugtong independent candidate nga midaug.
Sa 2nd District, midaug gikan sa HTL sila si Che Che Justol, Marissa Abella ug Al Ryan Alejandre.
Samtang gikan sa HNP sila si Javi Garcia Campos, Louie John Bonguyan, Dante Apostol, Diosdado Mahipus, ug Jonard Dayap.
Sa ikatulong distrito, midaug ang mga konsehal nga gikan sa HNP kinsa gilangkuban nila ni Alberto Ungab, Potpot Villafuerte, Myrna Dalodo-Ortiz, Cocoy Zozobrado, ug Enzo Villafuerte. Sila si Nonoy Al-Ag, Sweet Advincula, ug Conde Baluran, kinsa susama nga gikan sa HTL ang nagmadaugon usab.
