DAVAO CITY – Gikanayon ni Atty. Gay Enumerables, Asst. Regional Director ug tigpamaba sa Commission on election (Comelec)-11 nga andam na ang mga magtutudlo ingon man ang ipatuman nga seguridad alang sa nagsingabot nga May 2022 National and Local elections.
Sumala sa nahisgutan nga natapos na sa pagbansay-bansay ang mga magtutudlo nga magsilbi sa mga tulonghaan sa mismong adlaw sa eleksiyon.
Una ng nasayran sa opisyal nga mukabat sumala pa sa 14,502 ka mga magtutudlo ang magsilbi nga electoral board alang sa nagsingabot nga eleksiyon.
Sa pikas nga bahin gibutyag sab ni Police Major Eudisan Gultiano, tigpamaba sa Police Regional Office (PRO)-11 nga wala sumala pay nadugang karun nga mga lugar sa Davao region nga gipailalom sa Election areas of Concern diin nagpabilin kini sa walo samtang anaa sab sa walo ang gipailalom sa election areas of immediate concern.
Hinuon hugtan sumala pa nga gimonitor nila ang mga lalawigan sa Davao del Sur ug Davao de Oro gumikan sa init nga panag-atbang mga politiko.
Apan luyo niini, naglaum ang otoridad nga mamahimong hapsay ug malinawon ang ipahigayon nga eleksiyon sa mosunod nga bulan.
