Gihagit sa mga magbabalaod si Vice President Sara Duterte nga panganlan ang mga nagpakatag sa sayop nga balita o inpormasyon nga adunay kalabutan sa impeachment issues.
Sa nahimong pahayag ni VP Sara, gisultihan kuno kini sa pipila ka higala niini sa House of Representatives sa matod pa gilutong impeachment batok kaniya.
Subling gipanghimakak sa mga magbabalaod nga walay kamatuoran ang isyung impeachment bato kang Vice President Sara Duterte.
Gipahayag ni Deputy Majority Leader ug Iloilo Representative Janette Garin, wala kini nadunggan nga mga estorya mahitungod sa impeachment batok sa ikaduhang Pangulo.
Dugang pa sa magbabalaod nga pipila ka oras ang gigahin niini sa kamara, wala kini nadunggan nga impeachment.
Sa kasamtangan, busy ang mga magbabalaod sa pag-scrutinize sa 2025 national budget sa mga nagkadaiyang ahensya sa kagamhanan.
Matod pa usab niini nga sa serbisyo publiko, adunay mga indibiduwal ang gusto lamang makakuha ug atensyon.
Samtang hagit usab ni La Union Rep. Paolo Ortega nga panganlan ni VP Sara kung si kinsa sa mga higala niini sa kamara ang nagsulti nga siya ang i-impeach aron masayran kung ang mga nahisgutan ang adunay kaugalingong interes.
Samtang gipahayag usab ni Lanao del Sur Rep. Zia Alonto Adiong, tuldukan na lamang ang isyung impeachment gumikan kay wala kini kamatuoran.
