DAVAO CITY – Gipahimangnoan sa Davao City Agriculturist Office (CAO) ang mga mag-uuma sa mga bukiron nga bahin sa dakbayan kalabot sa mga posibleng pagdahili sa yuta ilabi na karon nga padayon ang nasinatian nga mga pag-ulan.
Sumala pa kang CAO senior agriculturist Lorna Alderite bisan tuod nga gipailalom na ang mga mag-uma sa orientation alang sa preperasyon sa mga posibleng landslide, aduna pa gihapoy pipila ka mga lugar sa dakbayan ang dili ha-om nga tamnan ug delikado panahon nga mobundak ang kusog nga ulan.
Sumala pa kang Alderite nga ang mga areas sa Marilog ug Paquibato Districts ang padayon nila karon nga gimonitor sa mga posibleng pagdahili sa yuta nga mamahimong makaapekto sab sa panginabuhian sa mga mag-uuma.
Hinuon gi-angkon sa nahisgutan nga dili makapugong ang ilang buhatan sa mga mag-uuma sa pagpananom ilabi na nga kini lamang ang bugtong gigikanan sa ilang income.
Samtang gisapinal na matud pa karon sa City Planning and Development Office (Ocpo) ang Comprehensive Land Use Plan (Clup) aron nga masubay kadtong mga lugar nga makonsidera nga agricultural land diin mamahimong makatanom usab ang mga mag-uuma nga ipailalom sa relokasyon.
