DAVAO CITY – Nanukad na sa pagpanghatag ug ayuda ngadto sa mga lumad ang lokal nga panggamhanan sa Davao City atol sa Pasko Fiesta ning tuiga.
Pinaagi sa Davao City Social Welfare and Development Office, nahatagan ug ayuda ang mga IPs sa Sitio Upper Kibalang ug Sitio Lower Kibalang sa Marilog; ug Barangay Colosas sa Paquibato District.
Kining paagiha, mapahimangnuan ang mga lumad nga dili na kinahanglang munaog pa sa dakbayan aron makapangayon ug pinaskuhan.
Tungod ang panggamhanan na mismo ang muhatud ug mga pinaskuhan alang sab sa ilang kaluwasan.
Kahinumdumang gikanayon ni Julie Dayaday, supervising administrative office IV sa buhatan, duna nay gilugway nga mga programa alang kanila panahon sa Pasko Fiesta.
Samtang gipapauli sab ang mga lumad nga nahimuyo ug lapas usa ka bulan sa dakbayan ngadto sa Talaingod, Davao del Norte ug Laak, Davao de Oro pinaagi sa ilang Municipal Social Welfare and Development.
via || Bombo LJ Florendo
