DAVAO CITY – Mismong si Davao del Norte Gov. Edwin Jubahib ang nagbutyag nga plano karon sa gobyerno nga magtukod og housing units sa mga lumad nga sakop sa ilang lalawigan kalakip na kadtong nagpabilin karon sa United Church of Christ in the Philippines-Haran Center ning dakbayan sa Davao.
Sumala pa kang Jubahib nga ang nahisgutan nga proyekto tawagon nga Pabahay sa Tribong Ata-Manobo, usa ka inisyatibo sa Task Force Balik Loob nga gigahinan og P60 million budget alang sa 300 units.
Gikanayong ang mga pamilya sumala pa nga anaa karon sa Haran Center ang ilang hatagan og prayoridad.
Gi-awhag sab sa gobernador kadtong mga lumad nga nagpabilin karon sa UCCP Haran ning siyudad nga mobalik na sa ilang mga yutang kabilin.
Kahinumduman nga nagmagahi pa gihapon ang pipila ka mga lumad nga mobalik sa ilang dapit tungod sa pagtuo nga dili sila luwas.
Wala sab sumala pay kamatuoran ug bakak lamang nga adunay nahitabong militarisasyon sa lugar.
Gawas sa pabalay, hatagan sab sumala pa ang mga nahisgutan og uban pang assistance sama sa pagpa-eskwela sa ilang mga anak.
Kahinumduman nga kaniadtong milabay nga sabado, miulbo ang komosyon sa UCCP-Haran sa Fr. Selga Street human nga ang gobernador ug pipila ka mga tribal leaders misulay pag-rescue sa mga lumad nga anaa sumala pa sa nahisgutan nga center.
Pahayag ni Davao del Norte Gov. Edwin Jubahib.
