DAVAO CITY – Hinay-hinay na nga giluwas sa mga sakop sa kasundalohan ang pamilya sa mga lumad nga anaa sa UCCP Haran sa Father Selga St. ning dakbayan sa Davao.
Kahinumduman nga lima ka mga pamilya sa lumad ang gi-rescue sa mga kasundalohan ug gihatud pabalik sa ilang lugar sa Kapalong Davao del Norte.
Gikanayong kadaghanan sa mga nahisgutan ang gamiton sa mga militanteng grupo matag panahon nga adunay ipahigayon nga mga lihok protesta sa kadalanan.
Gawas sa kasundalohan, mitabang sab sa pag-rescue ang mga tribal leaders ug ang lokal nga panggamhanan.
Sumala pa kang Mayor Ma. Theresita Timbol, sa Kapalong Davao del Norte, dili na angayan pa nga magpagamit ang mga lumad sa mga rebeldeng New People’s Army (NPA) ilabi na nga nakasulod na matud pa sa ilang tagsa-tagsa ka mga lugar ang mga hinabang nga gikan sa gobyerno.
Gawas sa lima ka mga pamilya, plano sab nga luwason sa kasundalohan ang lain pang mga lumad nga nagpabilin karon sa UCCP haran.
Gitambag sab sa opisyal sa mga nahisgutan nga dili magpa-linla sa mga rebelde nga wala sumala pay gobyerno nga motabang kanila.
