Namatikdan nga ginadagsa ang mga lubnganan sa mga inila ug iladong personalidad sa Manila North Cemetery karong ginahandum sa mga Pilipino ang kalag-kalag.
Sa maong sementeryo makita dinhi ang mga lubnganan sa mga bantugang aktor, aktres, kanhing opisyal, senador, ug bisan ang pipila sa mga nahimong presidente sa nasud, nga gihatagan ug mga bulak isip paghandum.
Pag-sulod sa Manila North Cemetery, dali ra makita ang lubnganan ni kaning Presidente Sergio Osmeña Sr.
Sunod niini mao ang lubnganan ni kanhing Senador Claro M. Recto, ug sa laing bahin makita usab ang lubngananan ni Presidente Ramon Magsaysay.
Makita usab ang lubnganan ni kanhing Presidente Manuel Roxas.
Lakip usab sa mga gihatagan ug bulak mao ang kanhing Mayor sa Manila nga si Alfredo Lim.
Sa tumoy nga bahin sa sementeryo, makita usab ang lubnganan sa bantugang aktor ug gitahud nga Hari sa Pelikulang Pilipino, si Fernando Poe Jr., uban sa iyahang asawa nga si Susan Roces.
Sumala sa pakighinabi sa Bombo Radyo Philippines, gibutyag sa sa mga fans, nga mas gipili niini nga moadto kagahapon sa lubong sa iyang pinalanggang aktor aron dili na makig-uban ug daghan sa sunod adlaw.
