DAVAO CITY – Isip kabahin sa pagsaulog sa anibersaryo sa Bureau of Jail Manangement and Penology (BJMP) sulod karong bulana, gipahigayon sab sa buhatan ang pagguba sa ilang mga nakumpiska nga mga kontrabando nga gikan sa onse ka mga presohan sa Davao region nga nakuha atol sa gilusad nga Oplan greyhound sa milabay nga mga bulan.
Pipila sa mga kontrabando nga gipangdugmok ang gilangkuban sa mga cellphone, sigarilyo ug uban pang mga butang nga gidili sulod sa presohan.
Sumala pa kang Jail Chief Supt. Ramalia Rayandayan, regional director sa BJMP 11, nga usa sa mga lakang nga ilang himuon karon mao ang istrikto pa ngapaghiling sa mga butang nga dad-on sa mga mobisita sulod sa mga presohan sa siyudad kini aron nga dili na makasulod ang mga ginadili nga kontrabando.
