DAVAO CITY- Gibawalan matud pa sa PNP ang mga missionaries sa KOJC nga magbuhat sa ilahang worship presentation sa KOJC Cathedral karong adlawa.
Gibutyag ni Atty. Israelito Torreon nga makadismaya ang giingon sa PNP nga dili pwedeng magbuhat og Thanksgiving and Worship Presentation ang mga miyembro sa KOJC sa mismong Cathedral nga ilahang gipanag-iyahan.
Karong adlawa, Setyembre 1, gikatakdang isaulog sa KOJC sa tibuok kalibutan ang ilahang anibersaryo sa kamugnaan sa Kingdom of Jesus Christ.
Gumikan niini, kagahapon pa lamang nagsugod na matud pa ang pag-abot sa mga misyonaryo ug mga myembro sa KOJC nga naggikan pa sa nagkadaiyang nasud alang sa maong kalihukan.
Dugang pa niini nga makasubo huna-hunaon gumikan imbis nga mahimong malipayon ang ilahang selebrasyon, daghanan ang wala nalipay ilabi pa nga dili gihapon pwede gamiton sa mga KOJC members ang ilahang simbahan bisan pa man sa ilahang sinimanang pagsimba gumikan matud pa gihimo na kining murag command center sa mga kapulisan.
Sukad kagahapong adlawa, nagbutang na ang PNP og mga personahe sa gate sa KOJC aron matud pa irekord ang tanang mga mosulod ug mag-inspection sa mga gamit nga isulod sa compound.
Nagpadayag usab og kabalaka si Atty. Torreon sa nadawatan nilang intelligence report nga matud pa adunay mahitabong media blackout sa mga panghitabo sa KOJC Compound.
