DAVAO CITY – Aron nga dili makasulod dinhi sa dakbayan sa Davao ang kaso sa African Swine Fever (ASF), nagpagula gilayon ug kamandoan ni Davao City Mayor Inday Sara Duterte-Carpio nga i-ban na ang pagsulod sa siyudad sa mga karneng baboy nga gikan sa lalawigan sa Davao Occidental diin natala ang labing una nga kaso sa African Swine Fever (ASF) sa Mindanao.
Sumala sa Mayor nga hugtanon ang gipatuman karon nga seguridad sa siyudad aron lamang masiguro nga walay mga karne sa Davao Occidental lakip na sa Davao del Sur ang makasulod sa dakbayan aron nga malikayan ang pagkatag sa maong disease nga nakapatay na ug liboan ka mga Baboy.
Sa kasamtangan, wala sumala pay ASF nga natala dinhi sa siyudad. Samtang gikanayon sab ni Davao Occidental Gov. Claude Bautista nga laraw nila nga paliton na lamang ang mga baboy nga gi-alimahan sa mga hog raisers kini aron masiguro nga dili pangtago-an sa mga nahisgutan.
