DAVAO CITY – Gikabutyag sa 10th Infantry Division ang ihap sa mga kanhi myembro sa mga komunsang grupo nga naapil isip benepisyaryo sa Enhanced Comprehensive Local Integration Program kon E-CLIP.
Sumala kang 10ID Spokesperson Captain Mark Anthony Tito, anaa na sa 3,009 ka mga kanhi rebelde ang nibalik sa gobyerno nga gilangkuban sa 1, 885 ka mga NPA, ug nasa 1,124 ang gikan sa mga milisyang-bayan. Gikan sa nahisutang lapas tulo ka libo nga ihap sa mga returnees, 1,536 ang nakadawat ug cash assistance gikan sa gipambalik nga mga armas sa gobyerno nga mukabat sa 51%, samtang 1,113 ang nakadawat ug hinabang-panginabuhian gikan sa maong programa.
Apan dugang ni Captain Tito nga dili tanang surrenderers ang nakadawat sa maong hinabang gikan sa gobyerno, sanglit madawat lang kini kon ibalik sa mga kanhing myembro sa NPA ang ilang mga armas.
Makadawat matag usa ug P15,000 nga ayuda ang mga nahisgutan, ug livelihood assistance sab gikan sa ilang nagkandaiyang LGU.
Gipresenta kana atol sa pagduaw ni Department of National Defense Undersecretary Reynaldo Mapagu.
