DAVAO CITY – Hingpit na nga gi-turn over sa Department of Social Welfare (DSWD) ug Department of Interior and Local Government (DILG) ang siyam ka mga kanhi rebelde ngadto sa Eastern Mindanao Command (EastMinCom).
Sumala pa kang Lt. Gen. Felimon Santos Jr., EastMinCom commander, personal nga gi-endorso kanila sa DSWD representative nga si Karen Gayonan ug DILG representatives Carl John Mahinay ug Edwin Mayormita ang mga kanhi rebelde sa Army headquarters sa Naval Station Felix Apolinario, Panacan.
Kahinudmuman nga nga usa sa mga surrenderee ang naila nga si alyas Alem, 21 anyos, residente sa Malabon City ug kanhi political guide sa NPA sa tri-boundary sa Davao del Norte, Agusan Sur ug Compostela Valley.
Nagbasol ang nahisgutan nga misulod sa kalihokan gumikan kay wala kini maayo nga gihatod kaniya ug mas maayo sumala pa nga iya na lamang gitiwas ang iyang pagtuon sa kolehiyo.
Samtang gibutyag ni Lt. Gen. Santos gave nga ang kaso ni alias Alem usa ka pagpamatuod nga padayon ang gihimong pagpangilad sa mga NPA sa mga estudyente aron lamang mosulod sa ilang kalihokan.
