DAVAO CITY – Nanghinaot karon ang mga investors sa Rigen Wellness 2.0 nga dayunon niini ang ilang saad nga mopahigayon ug refund sugod karong Agosto 15, 2019.
Kahinumduman nga una ng misaad ang Rigen nga wala sumala pay kaltas ang kapital sa mga investors sukwahi sa mga mikatag sa Social media nga kaltasan kini ug 20 ngadto na sa 30 porsyento.
Una ng nakadawat ug daghanang pagsaway ang kompanya human nga kadtong naka-pay in ug Abril ang wala pa gihapon nakadawat ug pay-out.
Apan gibutyag sa Rigen nga magpaabot lamang ug text aron nga dili sumala pa magyagaw sa mismong adlaw sa pagsugod sa refund.
Wala sab nila gibutyag kung asa nga lugar ipahigayon ang refund sa mga investors.
Kahinumduman nga halos nanirado na ang tanan nga mga investment scam sa Davao del Norte human nga gipagula ni Pangulong Rodrigo Duterte ang kamandoan batok sa Kabus Padatuon (KAPA). Sa kasamtangan, ubay-ubay na sab sa mga nanag-iya niini ingon man napasakahan na ug kaso sa Anti-Scam unit ug Criminal Investigation and Detection Group (CIDG).
