DAVAO CITY – Aduna na lamang sumala pay duruha ka mga “weakened” communist guerrilla units dinhi sa Southern Mindanao hinungdan nga kini ang rason nga mas gitutukan karun sa 10th Infantry Division (10ID) Philippine Army ang Barangay Development Program (BDP) initiatives.
Sumala pa kang Capt. Mark Tito, 10ID spokesperson, nga ang hingpit nga pagkabungkag sa New People’s Army (NPA) structures sa ilang areas of responsibility ang makahatag ug dakong kahigayonan nga ilang mabantayan ang uban pa nga mga aspeto nga gilangkuban sa pagpalambo sa territorial defense arun nga mapanalipdan ang sovereignty sa nasud.
Gitataw sab ni Tito, ang Barangay Development Program ang adunay dakung papel sa pagtapos sa local communist conflict gumikan kay ang ilang nag-unang tumong mao ang pagtukod ug maayo nga panggamhanan.
Kahinumduman nga ang BDP mao ang hallmark program sa National Task Force to End Local Communist Armed Conflict (NTF-ELCAC), o whole-of-nation approach arun nga maangkon ang malungtarun nga kalinaw.
Sumala sa NTF-ELCAC, ang BDP namugna arun nga magsilbing dalanm sa kalambuan sa mga kanhi conflict-ridden communities sama na lamang sa 822 barangay nga gihimo kaniadto ug mga guerrilla fronts sa CPP-NPA-NDF.
Ilalom sa BDP, ang matag barangay ang hatagan ug P20 million matag proyekto o adunay kinatibuk-ang P16.44 billion nga pundo.
Pinaagi sa pag-promotar sa sustainable rehabilitation and development sa kanhi conflict-stricken areas, ang NTF-ELCAC muhatag ug kasiguruhan sa mga kanhi neglected rural communities nga mahatag ang malungtarun ug kalidad nga serbisyo sa gobyerno.
