DAVAO CITY – Nadungagan pa karon ug “ngipon” ang tanan nga mga executive orders nga gi-isyu ni Davao City Mayor Sara Duterte-Carpio isip mitigating measure aron nga batukan ang coronavirus disease (Covid-19) kini human nga napalabang sa 19th City Council ang pagpanday sa Davao City Covid-19 response policies.
Gipalabang kagahapong adlawa ang institutionalization sa lima ka mga gi-isyu nga EOs diin aduna na kini ipahamtang nga penalty.
Ang nahisgutan nga EO ang gilangkuban sa EO No. 10, 12, 12-A, 15-A, ug 16-A. Gikanayong ang nahisgutan nga mga executive orders mao ang guidelines nga gipatuman karon sa siyudad isip lakang aron nga mapugngan ang pagkuyanap sa Covid-19.
Una na sab nga gibutyag ni City Council majority floor leader J. Melchor Quitain Jr., nga gipalabang ang maong sumbanan isip “urgent” aron nga matabangan ang siyudad sa pagpatuman sa mas istrikto nga lakang sa community quarantine guidelines.
