DAVAO CITY – Apektado sab karon ang mga event organizing industry sa pagkuyanap sa Corona virus disease diin anaa sa 80 percent ngadto na 100 percent ang nawagtang kanila sukad nga kini gipangkansela.
Sumala pa kang Menorosa Events owner Menrose Dunay kadaghanan sa mga events nga iyang gi-organisa ang gipangkansela samtang ang uban gisibog ngadto sa bulan sa Abril.
Sumala sa nahisgutan nga anaa sa P500,000 ang nawala kaniya sa mga gipangkansela nga event sulod lamang karong bulan sa Marso.
Pipila sumala pa sa iyang mga kliyente nga mi-avail sa iyang coordination services ang mihangyo og discounts nga P7,000 gikan sa ilang original price nga P10,000.
Pipila sa mga events nga gipangkansela ang gilangkuban sa kasal, birthdays, ug uban pang life celebrations.
