DAVAO CITY – Nanawagan karon ang Environmental group nga Interfacing Development Interventions for Sustainability (IDIS) sa City Council nga mopalabang ug usaka ordinansa nga nag-regulate sa pagpahigayon ug pag-quarry diinhi sa dkabayan sa dabaw.
Naglaom ang grupo nga magbaton kini ug kahigayunan nga ikahinabi ang Davao City Environment and Natural Resources Office (CENRO) aron hisgutan ang mga technical details labot niini.
Gikanayon ni Amelou Catague-Ferrer, policy advocate officer sa IDIS nga nakamugna na sila ug draft sa proposed ordinance ug gipasa na nila kini sa CENRO.
Ginahulat na lamang nila karon ang schedule kung kanus-a nila ma-estoryahan ang draft ordinance tali sa CENRO alang sa Quarrying Regulation Ordinance.
Sumala ni Ferrer, giduso usab sa IDIS ang usaka pagtuon sa kapasidad nga modetermina kung ang usaka sapa ang mamahimo pa ba nga i-quarry.
Ang nahisgutang pagtuon ang gisuportahan sa Ecoteneo, usaka advocacy group alang sa environmental protection ug conservation sa Ateneo de Davao University (AdDU).
Kahinumduman nga gidakop sa Department of Environment and Natural Resources (DENR) ang 14 illegal miners sa Barangay Waan, Davao City niadtong December 11, 2021.
Niadtong 2020, gimugna ni Mayor Sara Duterte-Carpio ang usaka inter-agency task group aron matubag ang mga issue labot sa quarrying activities sa syudad ilabi na ang unregulated ug illegal operations pinagai nsa Executive Order (E.O) No. 48, ug gihingusgan ang kamahinugndanon sa pagtubag sa tanang mga issue ug ipaniguro ang tukmang pagpatuman sa mga balaud labot sa quarrying ug uban pang mga related policies ug ordinances sa dakbayan.
