DAVAO CITY – Balhug karon sa prisohan ang giilang mga Drug High Valued Targets sa Tagum City atol sa gilusad nga Anti-illegal Drug Operation sa kapulisan sa Davao del Norte ug Philippine Drug Enforcement Agency (PDEA) 11 sa Purok Suaybaguio, Brgy. Magugpo North, Tagum City, Davao del Norte.
Una ng naila ang mga suspek nga sila si Sherwin Salazar Rivas alyas Sherwin (HVI/Drug Den Maintainer), 43 anyos, ulitawo, usa ka mason ug residente sa Purok 2-A, Brgy. La Filipina, Tagum City, Davao del Norte; May Suaybaguio Salupan (HVI/Co-Drug Den Maintainer), 36 anyos, ulitawo, walay trabaho ug residente sa Suaybaguio, Brgy. Magugpo North, Tagum City, Davao del Norte; Arvin Joie Binua Apura (HVI), lalaki, 41 anyos, ulitawo, laborer ug lumulupyo sa Purok 4 Santol, Brgy. La Filipina, Tagum City, Davao del Norte; Jovine Onong Cañares (HVI), 40 anyos, ulitawo, pedicab driver, residente sa Brgy. Lapu-lapu, Maco, Davao de Oro; Alter Dalle Gelig (HVI) lalaki, 45 anyos, minyo, motorcycle driver ug residente sa Purok 2B, Brgy. La Filipina, Tagum City, Davao del Norte; ug usa ka Noli Priete Monreal (HVI), 32 anyos, ulitawo, entertainer ug residente sa Brgy. San Miguel, Tagum City, Davao del Norte.
Narekober sa mga nahisgutan ang mga nagkadaiyang gidak-on sa illegal nga druga, mga drug paraphernalias ug P1,000 nga buy bust money.
Ang mga nasikop nga mga suspetsado ang susama nga gikustodiya karon sa PDEA Regional Office 11 Jail Facility samtang ang mga nakumpiskang ebidensiya ang ipailalom sa laboratory examination sa Regional Crime Laboratory Office 11.
Mitimbang ang nakumpiskang illegal nga druga ug kapin kun kulang 12 grams o kantidad sa P 81,600.00. Gidayeg sab ni PLTCOL ODIAS, Officer In-charge sa Tagum CPS ang iyang mga personahe sa pagpaningkamut niini aron nga mapahugtan pa ang kampanya batok illegal nga druga sa ilang area of responsibility.
