Nahimong kontrobersyal ang pasabog sa opening ceremony sa 2024 Paris Olympics gumikan sa parody sa mga drag queen sa “Last Supper” ni Leonardo da Vinci.
Wala nagustuhan sa katoliko ang kataw-anang pagsundog sa mga drag queen sa “Last Supper” ug adunay mga nagkondena sa opening ceremony sa Olympics.
Nakoloran na hinuon ug relihiyon ang pinakadakong sports event sa tibuok kalibutan gumikan sa kontrobersyal nga pasundayag.
Usa ka netizen ang ang nagkanayon nga gigamit pa kuno ang Olympics nga “largest platform in the world” sa pag-insulto sa kristyanismo.
Gitawag pa niini nga “worst opening ceremony” sa kasaysayan sa Olympics ang nahitabo sa Paris karong tuiga.
Gikondena usab ni Bishop Robert Barron sa Minnesota ang nahisgutang pasundayag ug gitawag kini isip “gross mockery”.
Gikwestyon usab sa obispo ang France kung nganong gitugutan kini samtang anaa sa kultura nga gihatagan ug importansya ang katungod ug kagawasan sa mga indibiduwal.
Wala usab nakalingkawas sa kontrobersyal ang mga organizer sa Paris Olympics.
