DAVAO CITY – Mayorya sa mga dabawenyo ang mibabag sa nahimong desisyon ni Pangulong Rodrigo Duterte nga pasirad-an ang mga nagkadaiyang investment schemes sa Mindanao sa milabay nga Hunyo.
Kini ang migula nga resulta sa gipahigayon nga City Wide Social Survey (CWSS) sa Ateneo de Davao University research council.
Gikanayong anaa sa 38.3% sa Davaoenos ang mibabag sa kamandoan ni Pangulong Duterte gikan sa 92.9% ka mga indibidwal nga gi-survey nga adunay kasayuran sa investment schemes.
Bugtong 22.4% lamang ang pabor sa pagpasara.
Ang nahisgutan nga survey gipahigayon sa milabay nga Hunyo 21 ngadto na 23 ug 28 ngadto na sa 30, pipila ka adlaw human nga gimando sa Pangulo ngadto sa mga otoridad nga ipasara ang tanan nga mga investment firms nga illegal nga nag-operate sa rehiyon.
Ayha pa man ang kamandoan, adunay 14 investment companies ang nalambigit sa easy-money operations ang nagsara samtang 39 ang gipailalom sa imbestigasyon.
Mayorya sa mga indibidwal ang kontento sa ilang partisipasyon sa Ponzi-like investment schemes.
Migula sab sa pagtuo nga pipila sa mga mipartisipar sa investment schemes, 33.6% ang very satisfied samtang 21.5% ang dissatisfied.
Samtang 39% sa Davaoenos ang miuyon sa desisyon ni Mayor Sara Duterte nga dili tugtan ang mga investment schemes nga mag-operate sa siyudad.
