DAVAO CITY – Paglabay sa 16 ka tuig human ang ngilngig nga pagpamomba sa Davao Old Airport ug Sasa Wharf, naka-alokar na matud pa ang dakbayan sa Davao ug P6 million educational assistance sa mga pamilya sa biktima.
Kahinumduman nga ang Davao Airport blast kaniadtong Marso 3, 2002 ang nakapatay ug 21 ka mga sibilyan samtang 145 ang angol samtang sa Sasa Wharf bombing kaniadtong Abril 2003 nakatala ug 16 ka patay kalakip na ang upat ka mga pulis ug madre samtang 46 ang angol.
Sumala pa kang City Social Services and Development Office (CSSDO) head Maria Luisa Bermudo padayon ang lokal nga panggamhanan sa paghatag ug hinabang sa pamilya sa biktima dili lamang sa mga namatay kung dili lakip na sa mga naangol.
Base sa data gikan sa CSSDO, nakagasto na ang lokal nga panggamhanan ug kinatibuk-ang P5,629,000 alang sa 548 scholars nga naka-enroll sa nagkadaiyang kolehiyo ug unibersidad sa siyudad. Sa tuig 2018, mukabat sa 31 ka mga graduates ang natabangan sa assistance diin pipila niini ang aduna nay mga trabaho.
Ang nahisgutan nga programa aduna kinatibuk=ang 223 dependents gikan sa 73 ka mga pamilya.
