DAVAO CITY – Nanawagan karon ang mga sakop sa kapulisan sa mga nabiktima sa pagpamunal niining milabay nga adlaw sa pipila ka lugar sa dakbayan nga moduso ug reklamo.
Gihimo sa otoridad ang pahayag human nga daghanan ang nagbutyag nga mga pulis sumala pa ang mipaluyo niini.
Sumala pa kang P/Capt. Nolan Tagsip, tigpamaba sa Davao City Police Office (DCPO), wala nila gina-tolerate ang susama nga binuhatan ug kung mapamatud-an man nga pulis ang naghimo niini, hayan nga mag-atubang sab kini ug reklamo.
Gibarugan sab sa nahisgutan nga nagtamud ang kapulisan sa ilang baruganan nga “to serve and protect” sa katawhan.
Samtang gi-awhag sab ni Police Major Jason Baria, tigpamaba sa Police Regional Office (PRO) 11 ngadto sa publiko nga makiglambigit gilayon sa mga otoridad sa higayon nga aduna kini mahipus nga impormasyon kalabot sa mga tawo nga mipaluyo sa gitawag Davao Bunal Squad.
