DAVAO CITY – Gipasalig sa lokal nga kagamhanan nga ipadayon ug palig-onon pa ang paghatag ug proteksiyon sa mga bata nga usa sa mga nag-unang prayoridad sa dakbayan.
Kahinumduman nga unaq ng gibutyag ni Mayor Sara Z. Duterte nga nag nagkadaiyang welfare, health, ug educational programs ang gihimo karon sa siyudad isip usa sa mga child-friendly local government units sa nasud.
Gikanayong nakahimo sumala pa ang dakbayan sa pagtubag sa mga panginahanglanon sa mga bata pinaagi sa pagmugna sa Quick Response Team for Children’s Concerns.
Nagpahigayon sab sumala pa ang team ug mga rescue operations, investigation, ug documentation sa mga kaso sa pagpangabuso ug sexual exploitation sa mga bata.
Nasayran nga ang LGU nakamugna na ug nagkadaiyang shelters arun nga tubagon ang panginahanglanon sa mga bata sama sa Balay Dangupan alang sa physically abused nga mga bata; Bahay Pag-Asa temporary shelter for children in conflict with the law (CICL); Paginhawaan Drop-In Center for street children, ug Lingap Center for mentally-challenged children.
Kahinumduman nga pipila ka higayon na sab nga nakadawat ug pasidungog ang dakbayan gumikan sa paghatag ug igong proteksiyon sa mga kabataan.
Gani padayon sab ang paghatag sa dakbayan ug suporta ngadto sa mga bata ilabi na sa ilang pagtuon.
