DAVAO CITY – Nakigtagbo ang Business Bureau ug ang enforcement team tali sa mga bar owners ug sa mga nanag-iya ug mga establisamento sa syudad karong adlawa.
Gikanayon ni Davao COVID-19 Task Force Spokesperson Dr. Michelle Schlosser tumong niini nga ilang tukion ang mga mahinungdanong butang labot sa operasyon sa mga establisamento ug labaw sa tanan ang pagpahinumdom kanila sa gipatumang public health standards.
Pahimangno pa ni Schlosser nga dili makadawat ug safety seal ang mga establisamento kung dili kini mosunod sa Minimum public health standard.
Sumala ni Schlosser gihimo ang pakigtagbo sa gobyerno ngadto sa mga tag-iyab ug negosyo sa syudad human nakahimo ug daghang mga pagsupak ang usaka restobar sa dalang Ilustre ning syudad.
Samtang, gikanayon usab ni Schlosser nga aron masiguro nga natuman ang minimum public health standard, nag-deputized na ang syudad ug mga police ug mgsa personahe gikan sa response cluster aron magtinabangay sa pag-siguro nga misunod ang tanan sa balaud.
Gilantaw sumala pa sa syudad nga ipabilin ang alert level 2 status sa syudad o mas mapalambo pa kini ngadto sa alert level 1, apan kung magpadayon ang mga dabawenyos sa paghimo ug mga kalapasan sama sa gihimo sa Supladoz diin halos tanang mga tawo sa sulod misupak sa madatiry wearing of facemask ug social distancing, posibling ipatuman na usab ang alert level 3 kung modaghan na usab ang kaso sa covid 19.
