DAVAO CITY – Nasa dul-ang dos syentos ka mga barong-barong duol sa mga dike ug ilawom sa tulay ang gipang-demolish sa mga sakop sa Davao City Public Safety and Security Office.
Gikanayon ni PSSO head Angel Sumagaysay, nakatoka karon ang River Patrol Monitoring Team sa maong opisina alang sa pag-demolish sa daghanang mga kabalayan sa Talomo, SIR Matina ug duol sa Davao River, diin sagad niini gama lamang sa mga light materials.
Samtang nagpadayon ang pagguba sa mga istruktura sa mga barangay sa Panacan ug Bago Gallera.
Gikabutyag sa opisyal nga namatikdan na ang anam-anam nga pagkaguba sa mga dike partikular na sa Bunawan area gumikan sa pagmugna og mga konkretong istruktura sa taas nga bahin niini.
Makipagkpordinar sab ang opisina ngadto sa City Social Welfare and Development Office alang sa ihatag nga pinansyal nga mga hinabang ngadto sa mga apektadong residente.
via || Bombo LJF
