DAVAO CITY – Wala pa nakadesisyon ang mga bakwit nga lumad nga anaa sulod sa United Church of Christ in the Philippines (UCCP) compound kung mobalik na sa ilang pinuy-anan o hingpit na nga mobalik sa ilang tagsa-tagsa ka mga komunidad.
Una ng gipasalig ni City Vice Mayor Sebastian Duterte nga una ng mipatunga sa nahitabong tensiyon, nga andam siya nga motabang sa gikatakda nga negosasyon sa duruha ka kampo ug mohimo og “win-win solution” nga susama nga mauyonan.
Gikanayong ang hisgutanan kung mobalik sa ilang yutang kabilin o magpabilin na lamang ang lumad sa center maoy mosunod nga hisgutan sa mosunod nga dayalogo.
Nasabutan sab sumala pa sa Human rights groups ug kabanay sa mga Lumad evacuees nga nagpabilin sa UCCP Haran Center sa Fr. Selga Street nga magpahigayon og lain nga dayalogo tali sa mga opisyal sa gobyerno ug lider sa mga simbahan aron nga paminawon ang mga demand sa mga bakwit ayha sila mobalik sa ilang tagsa-tagsa ka mga komunidad.
Una ng gibutyag ni UCCP Bishop Hamuel Tequis nga wala pay nahisgutan nga petsa ug adlaw kung kanus-a magtigom ang mga miyembro sa Regional Peace and Order Council, Lumad leaders kauban si City Mayor Sara Duterte-Carpio, Davao del Norte Gov. Edwin Jubahib ug mga representante sa simbahan aron nga hisgutan ang suliran sa mga lumad.
