DAVAO CITY- Magsugod na karong adlawa ang bag-ong hepe sa mga Police Stations sa Davao City Police Office (DCPO) kini human sa gipahigayon nga turn-over of ceremony kaganihang pasado ala-una sa hapon.
Una ng gikanayon ni DCPO spokesperson PCapt. Hazel Tuazon nga una paman ang pormal nga paglingkod sa ilahang bag-ong dumalaan nga mga presento magpahigayon una ug turnover ceremony alang sa bag-ong mga chief of police sa disinuybi ka mga PNP stations sa dakbayan sa Davao.
Una ng nagpaguwa ug listahan ang PRO-11 sa mga molingkod nga Acting Station Commanders dinhi sa dakbayan samtang gipangbutang sab ang mga bag-ong assignments niini human sa ilahang pagka-relieve sa katungdanan.
Kahinumduman nga daghan ang nakurat sa kalit nga kamanduan gikan sa PRO-11 apan sumala pa sa tigpamaba sa PRO-XI nga trabaho sa regional director ang mag-assign ug reassign sa mga opisyal sa iyahang Area of Responsibility.
Samtang kabahin sa turn-over ceremony, nangayo karon ug pagsabot ang human nga nagpahibalo ang tigpamaba sa DCPO nga PCpt.Tuazon nga wala na’y mahitabong coverage gikan sa media subay kini sa kamanduan gikan sa kadagkuang opisyal sa kapulisan.
