DAVAO CITY- Niabot na sa dakbayan sa Cebu ang mga atleta sa Davao Region alang sa ipahigayon nga Palarong Pambansa karong sunod semana. Uban ang mga staff, coaches, ug athletes miabot kini sa Don Carlos A. Gothong Memorial National High School kagainang buntag.
Kini na ang ikaduahang batch nga gilangkuban sa 70-student athletes, coaches, ug staff nga morepresenta sa rehiyon onsi sa Palarong Pambansa 2024. Mainiton sab nga gisugat ang mga nahisgutan sa mga tigdumala ug mga opisyal sa maong tulunghaan.
Una ng gipahigayon ang send-off ceremony sa Davao Eagles delegation, nga gilangkuban sa athletes, coaches, ug chaperones alang sa Palarong Pambansa sa Cebu City karong Hulyo 6-17, 2024.
Ang Davao Eagles nga delegasyon ang adunay kinatibuk-an nga 632 ka mga delegado.
Ayha paman kini sila mibyahe sa Cebu mipailawom una kini sa intensive 15-day in-house training sa Mintal Elementary School.
Samtang sa laing bahin, gipadayag sab sa DepEd Region XI Director nga si Allan G. Farnazo, ang hugot nga suporta sa mga atleta, ug giawhag kini nga ipakita ang ilahang mga katakos sa gilipi niini nga mga sporting events atol sa Palarong Pambansa.
