Ipailalom sa full security vetting ang mga Afghan nationals nga mosulod sa Pilipinas aron iproseso ang ilahang resettlement sa Estados Unidos.
Gipahayag sa Department of Foreign Affairs (DFA) nakamugna ug kasabutan ang Pilipinas ug Estados Unidos mahitungod sa temporary housing sa limited number sa mga Afghan nationals, samtang ang US Embassy sa Maynila ang ginaproseso ang ilahang Special Immigrant Visas (SIVs).
Samtang ginahulat usab sa kasabutan ang ratipikasyon ni Pangulong Ferdinand Marcos jr. una kini ang mahimong epektibo.
Gipahayag ni DFA spokesperson Ma. Teresita Daza, ang matag aplikante ang gitugutang magpabilin sa nasud nga dili mulampas sa 59 ka adlaw.
Ubos sa kasabutan kauban ang Estados Unidos, gipahayag sa Department of Foreign Affairs (DFA) nga ang mga aplikante ang gikinahanglang medically screened sa Afghanistan ug mubiya sa ilahang billet facility sa makausang higayon, alang sa ilahang consular interview sa embahada.
Tubagon usab sa US Government ang living expenses sa mga Afghans, lakip na ang pagkaon, pabalay, seguridad, midikal, transportasyon ug uban pang gikinahanglan.
Seguruhon usab sa US Government ug international organization for migration isip facility manager, ang mga aplikante ilabi na ang mga bata ang adunay insaktong social, educational, religious ug emotional support sa panahon sa ilahang pagpabilin sa billet facility.
