DAVAO REGION- Nagpadayag og kabalaka sa mental health condition ni Pangulong Ferdinand Marcos Jr. si Dr. Lorraine Badoy, usa ka doktor nga magsisibya usab sa media outlet nga gipanguluhan ni KOJC leader Pastor Apollo Quibolo.
Sumala pa ni Dr. Badoy nga makabalaka gayud ang decision making skill sa maong presidente kalabot sa bag-uhay lamang nahitabo sa rehiyon onse partikular na sa Davao City Police Office nga pagtuboy og opisyal isip City Director apan pulihan dayon kini bisan wala pa kini makalingkod.
Kahinundumang kini ang kalabutan sa makalilibog nga panghitabo kaniadtong milabayng adlaw diin gikan kay Col. Rolindo Suguilon nga mao ang gibutang isip Officer in Charge sa DCPO, gikareport nga pulihan kini ni Col. Lito Patay, apan human ang kapin upat ka oras, nakadawat kini og tawag sa matud pa paghulip nasab kaniya.
Ang maong mohulip kaniya mao matud pa si Col. Sherwin Butil, apan human ang kapin usa ka oras lamang, gikataho usab nga pagapulihan kini ni Col. Hansel Marantan isip Acting City Director sa Davao City Police Office.
Gitawag pa sa maong doktor nga murag ‘noontime show’ nga kataw-anan ang maong panghitabo ug makahatag gayud og ‘glimpse’ sa kalibre sa ginahuna-huna sa Presidente.
Sigon pa ni Dr. Badoy nga mao matud pa kini ang mabuhat sa adunay chronic substance abuse disorder, makadaut matud pa kini sa paghukom, makadaut sa desicion-making, maka-apekto sa perspective sa mga butang nga matud pa maka paranoid ug depress.
