DAVAO CITY – Mihatag ang Department of Interior and Local Government (DILG) XI og mga medical supplies ug Personal Protective Equipments (PPEs) alang sa mga na hired nga contract tracers nga gipang deploy sa nagkadaiyang bahin sa syudad.
Sumala sa pamahayag ni DILG XI Dir. Vicky Sarcena, kapin 1,500 ka mga contract tracers ang nakadawat og usa ka box nga face mask, gloves,upat ka face shield, alcohol, 2 ka botelya sa hand sanitizers, usa ka gallon nga hand soap, thermometer, vitamins ug uban pa.
Dugang sa opisyal, kini aron maprotektahan ang mga contract tracers sa ilang tahas ug malikay nga mataptan sa makamatay nga virus.
Gitin-aw sab ni Sarcena nga ila na kining gitagana nga ipanghatag sa mga tracers apan nalangay lamang gumikan giagi pa kini og sakto nga proseso.
Ang pahayag ni DILG XI Dir.Vicky Sarcena
