Mihimo ug lihok protesta ang mga medical practitioners ug mga kababaihan sa New Delhi, India gumikan sa pagpatay homan gilugos ang usa ka 31-year old trainee doctor.
Nakaplagang nagkadugo na ug walay kinabuhi ang babaeng doktor sa state-run RG Kar Medical College and Hospital sa West Bengal State sa India.
Subay sa gihimong autopsiya, positibong gilugos ang biktima ug brutal nga gipatay. Samtang sa gipahigayong protesta gipangunahan kini sa Indian Medical Association (IMA).
Panawagan sa asosasyon kang Indian Prime Minister Narendra Modi ang hustisya sa namatay nga doktor ug seguruhon ang seguridad sa mga medical practioners.
Samtang sa giluwatang pamahayag sa Prime Minister, walay tarong nga kapahulayan ang mga doktor sa nahisgutang hospital hinungdan nga panahon na aron matutukan ang nahisgutang isyu.
Mihimo gilayon ug 24 hrs shutdown ang mga doktor sa tanang hospital aron makighiusa sa gihimo nilang protesta.
Nagpadayon ang pagtaas sa mga pagpanglugos sa India nga nahimong hinungdan sa pagpangayo ug hustisya sa mga kababaihan sa nahisgutang nasud.
