DAVAO CITY – Nabati na karon sa mga meat vendors sa lalawigan sa Davao Occidental ingon man dinhi sa dakbayan sa Davao ang epekto sa pag-igo sa African Swine Fever (ASF) kini human nga liboan ka mga binuhing baboy sa lalawigan ang gipangpatay tungod sa epekto sa ASF.
Nasayran nga kadaghanan sa mga palengke sa dakbayan sa Davao ang mo-angkat og baboy sa Davao Occidental ug Davao del Sur apan sa kasamtangan nag-problema na sila sanglit kinahanglan na nila nga mangita og supply sa mga lugar nga dili apektado sa ASF.
Apan luyo niini wala sumala pay gipatuman nga pagsaka sa presyo sa karneng Baboy sa mga palengke sa dakbayan apan aminado ang pipila ka mga meat vendors nga dyutay lamang ang namalit karon og karne tungod sa natalang kaso sa ASF.
Samtang gidayeg sab ni Department of the Interior and Local Government (DILG) regional director Alex Roldan ang gihimong lakang karon sa mga Local Government Units (LGUs) aron lamang mapugngan ang pagkatag sa disease nga una ng natala didto sa kaulohan.
Pahayag ni Department of the Interior and Local Government (DILG) Regional Director Alex Roldan.
